وولفرهامبتون يضمن البقاء رسميًا بعد فوز غالي على مانشستر يونايتد
حقق فريق وولفرهامبتون فوز غالي ومهم على مانشستر يونايتد، بهدف مقابل لاشئ، في الماتش اللي اتلعب النهارده السبت على ملعب أولد ترافورد، ضمن الجوله 33 من الدوري الإنجليزي الممتاز.
الفريق بقيادة المدرب البرتغالي فيتور بيريرا، قدم أداء دفاعي منظم، واستنى اللحظه المناسبه، لحد ما جه الهدف الوحيد في الدقيقه 77 عن طريق البديل الإسباني بابلو سارابيا، اللي سجل أول لمساته وسكت جمهور أولد ترافورد.
الفوز ده هو الخامس على التوالي لوولفرهامبتون في البريميرليج، ورفع رصيدهم لـ38 نقطه، واللي بيضمن بشكل رسمي بقاءهم في الدوري، بعيد عن صراع الهبوط دلوقتي الفريق في المركز الـ15، متقدم بفارق 17 نقطه عن إيبسويتش صاحب المركز 18، ومع باقي 5 جولات، مفيش فرصه للفريق إنه يرجع للخطر.
بيريرا من يوم ما مسك الفريق في ديسمبر 2024، وهو بيغير شكل وولفز تمامًا، وحقق معاهم 9 انتصارات لحد دلوقتي، منهم خمس ماتشات ورا بعض فاز بيهم، وده بيخلي جمهور الفريق متفائل بالموسم الجاي.
