ريم سامي ترزق بأول طفل وتسميه سيف وتشارك الفرح مع جمهورها
الفنانه ريم سامي رزقت بطفلها الاول من زوجها رجل الأعمال محمد المغازي، واللي أسمته “سيف”، وده باين من الصور اللي نزلتها ريم على ستوري انستجرام واللي فيها مباركات من صحابها بيهنوها بالمولود الجديد.
ريم كانت أعلنت حملها في ديسمبر اللي فات خلال ظهورها في مهرجان البحر الاحمر السينمائي، ووقتها ظهرت بفستان أحمر ضيق باين عليه الحمل وقالت إنها كانت في الشهر الخامس ساعتها.
فرحتها كانت كبيره خصوصًا إن ده أول طفل ليها، وجمهورها شاركها الفرحة على السوشيال ميديا برسائل التهاني.
ريم سامي كانت احتفلت بزفافها على محمد المغازي في مايو اللي فات، والحفل كان ضخم جدًا في فندق فخم بالقاهرة، وحضره نجوم كتير زي إلهام شاهين، تامر حسني، عمرو دياب، وياسر جلال، وهنا الزاهد، وغيرهم كتير من الوسط الفني والإعلامي.
آخر أعمال ريم سامي كان مسلسل “حدوتة منسية” اللي اتعرض رمضان اللي فات، وشاركها فيه نجوم كبار زي سوسن بدر وعبير صبري، والمسلسل من إخراج محمد محي الدين وتأليف محمود حمدان.
