القبض على منتجه مشهوره وخطيبة لعيب كوره سابقه في شقتها بالمخدرات
ألقت قوات الامن في قطاع مكافحة المخدرات القبض على منتجه كانت مخطوبه قبل كده للاعب كوره قدم معروف، وده حصل بعد ما وصلت معلومات إن عندها علاقه بشبكه لتوزيع المخدرات.
القبض عليها حصل في شقتها بعد إذن النيابه، وتم تحريز مواد يشتبه إنها مخدرات مع تليفونها وبعض الحاجات التانيه، والنيابه دلوقتي بتجري تحقيقات في الواقعه، وتم تحرير محضر رسمي.
الموضوع ابتدا لما وصلت معلومات لقطاع مكافحة المخدرات إن المنتجه دي عندها نشاط في تجاره المخدرات، وعلى طول بالتنسيق مع أمن القاهره عملوا كمين وضبطوها.
المنتجه دي كانت قبل كده مقدمه برنامج على قناه فضائيه، وكمان دعمت مطرب مهرجانات شهير اتحبس فـ قضيه دهس شاب.
النيابه بدأت تفريغ تليفونها عشان تعرف إذا كان في تواصل بينها وبين أي عناصر تانيه ف الشبكه ولا لأ، واللي هيأكد علاقتها بالشبكه أو لا.
التحقيقات لسه شغاله، وهي حالياً محبوسه على ذمه القضيه، لحد ما يتأكدوا من كل التفاصيل.
