ماريسكا مبسوط بعد فوز تشيلسي الصعب على فولهام ويفكر بالأبطال
انزو ماريسكا مدرب تشيلسي عبر عن فرحته الكبيره بعد ما فاز فريقه بصعوبه على فولهام بنتيجة ٢-١، ضمن الجوله الحاليه من الدوري الإنجليزي الممتاز.
وقال إن الفوز ذا مهم جدًا وبيوضح إن الفريق قاعدين يتحسنون شوي شوي، وقريبين من يحققون هدفهم الرئيسي بالموسم، إلي هو التأهل لدوري ابطال اوروبا.
بعد المباراه، ماريسكا صرح وقال: “انا كنت مبسوط مرره، الفوز بلحظه الأخيره دايم له طعم ثاني اللاعبون قدمو كل شيء يستاهلون يفرحون مع جمهورهم، وعشان كذا انا طلعت من الملعب بدري وخليت اللحظه لهم كانت لحظه حلوه بصراحه.”
واضاف كمان: “تشيلسي من ثلاث سنين مو قادر يدخل ضمن فرق الابطال، وذي الحقيقه مانقدر نغيرها، بس هدف بيدرو اليوم عطانا امل كبير ورجعنا على الطريق الصح.”
وتكلم ماريسكا بعد عن الاداء الفني للفريق وقال: “انا راضي جدًا عن اللعب، نبغا نلعب بطريقه معينه والحين قاعدين نقترب من الشكل اللي نبغاه، نبني هويه واضحه.”
الجماهير واضح انهم رجع لهم شوي من الامل بعد النتائج الاخيره، وخصوصا ان الفريق حاليا خامس الترتيب وعنده ٥٧ نقطه، وكل شي ممكن يصير بالجولات الجايه.
وبين الحماس والتوتر، البلوز عيونهم على الأبطال، ويمكن هذا الموسم يكون بداية لرجعتهم القويه.
