مانشستر يونايتد قرب يحطم رقم سلبي لأول مره بتاريخه كله
جماهير مانشستر يونايتد عايشه على أعصابها الأيام دي، بعد ما الفريق بقا قريب جدًا من تحقيق رقم سلبي ما حصلش قبل كدا في تاريخه كله.
الفريق خسر تامن مره على ملعبه “أولد ترافورد” فـ الدوري الإنجليزي الممتاز الموسم ده، وبكدا بيكون فاضل خساره وحده بس علشان يعادل أسوأ سجل خساير في البيت.
الأرقام بتقول إن آخر مره خسر فيها مان يونايتد 9 ماتشات ع أرضه كانت سنة 1962-1963، يعني من أكتر من ستين سنه، وده الرقم اللي بقا على بعد ماتش واحد بس علشان يتكرر لو الفريق وقع تاني.
الموضوع زاد الطين بله على المدرب روبين أموريم، اللي عليه ضغوط كبيره جدًا اليومين دول، والناس بتسأله كل شويه عن السبب في تدهور النتائج بالشكل ده، سواء في ملعبهم ولا بره.
الأداء بقى مهزوز والفريق مش ثابت خالص، والمشجعين مش راضيين ومش فاهمين إزاي الأمور وصلت لكده، خصوصًا إن الفريق كان بيحاول يرجع لمنصات البطولات تاني، لكن بدل ما يتقدم، بقا يرجع ورا بخطوات كتير.
اللي جاي هيكون حاسم، لو خسر مانشستر ماتش كمان على ملعبه، هيكون دخل التاريخ من الباب الخلفي، برقم سلبي مشرفش خالص، ووقتها أكيد هتبدأ أسئله عن مصير المدرب واللعيبه كمان.
