رانيا يوسف بتتكلم عن والدتها وتقول كانت بتتدخل فـ كل حاجه
في لقاء خاص ليها مع الإعلاميه ياسمين عز في برنامج “كلام الناس” اللي بيتذاع على MBC مصر، كشفت الفنانة رانيا يوسف عن علاقتها بوالدتها وقالت إنها كانت دايمًا بتحاول تمنع تدخل أمها في حياتها.
وقالت رانيا: “ماما كانت دايمًا عايزه تتدخل في كل حاجه، بس أنا كنت برفض وده كان بيزعلها مني، لحد دلوقتي”.
وأضافت: “هي اتربت على حاجات وأنا اتربيت على غيرها، ومش بقدر أفرض نفس الحاجات على بنتي دلوقتي، احنا جيلين مختلفين”.
رانيا كملت كلامها وقالت: “أنا كنت أقرب لبابا، كنت بعرف أتكلم معاه وأتناقش، إنما ماما دايمًا كانت شايفه إنها الصح ولازم أسمع كلامها وخلاص”.
الجدير بالذكر إن رانيا يوسف كان ليها تلات مسلسلات في رمضان اللي فات، منها “نص الشعب اسمه محمد” واللي شاركها بطولته غادة إبراهيم ومايان السيد، وكمان “جريمة منتصف الليل” مع أحمد عبد العزيز وصلاح عبد الله، وأخيرًا مسلسل “أهل الخطايا” مع جمال سليمان وسوسن بدر وفرح الزاهد.
رانيا يوسف مازالت حديث الجمهور بأدوارها وبصراحتها اللي بتخلي الكل يتكلم عنها.
