أوباميكانو يرفض يجدد عقده مع بايرن بسبب الراتب الكبير اللي طلبه
فيه كلام كتير اليومين دول عن مستقبل دايوت أوباميكانو مع بايرن ميونخ، وخصوصاً بعد ما طلع تقرير من صحيفة “بيلد” الألمانيه بيأكد إن اللاعب لسه مجددش عقده مع النادي، والمفاوضات بينهم مش ماشية خالص.
التقرير بيقول إن في مشاكل واضحه بين الطرفين بسبب الفلوس، اللاعب عايز راتب كبير جداً، حوالي 15 مليون يورو في السنه، وده رقم شايفاه إدارة النادي مش مناسب لسياسة الرواتب اللي ماشين بيها، خصوصاً إنهم بيحاولو يظبطو الميزانيه.
أوباميكانو، اللي بينتهي عقده في يونيو 2026، شكله مش ناوي يتنازل عن طلباته، وده ممكن يخلي النادي يفكر يبيعه قبل ما يمشي ببلاش.
النادي مش عايز يخسر لاعب مهم بس في نفس الوقت مش عايز يكسر نظام الرواتب اللي حاطينه.
الجمهور كمان منقسم، في اللي شايف إنه يستاهل الرقم اللي بيطلبه عشان مستواه في الدفاع، وفي اللي شايف إنه مغالي في طلباته، خصوصاً بعد مستوى الفريق الفترة اللي فاتت.
اللي واضح إن الأمور مش هتتحل بسرعه، وممكن نشوف مفاجآت في الصيف الجاي لو الأمور فضلت كده.
والأكيد إن بايرن محتاج ياخد قرار مهم بخصوص أوباميكانو، يا إما يرضخوا لمطالبه، يا إما يدوروله على فريق تاني.
الموضوع لسه ما خلصش، وهنشوف خلال الأيام الجايه إيه اللي هيحصل بالضبط.
