القوات المسلحه بتسهل التجنيد لذوي الهمم فى شمال سينا مجاناً
فى إطار إهتمام القياده السياسيه بذوي الهمم وحرص القوات المسلحه على تقديم الدعم الكامل لأبناء الوطن، واحتفالاً بذكرى تحرير سينا الـ43، دفعت هيئة التنظيم والإداره بالقوات المسلحه لجان تجنيديه خاصه للعريش فى شمال سينا، علشان تسوي المواقف التجنيديه مجاناً لكبار السن وذوي الهمم هناك.
اللجان اللى اتبعتت من إدارة التجنيد والتعبئة بالتعاون مع منطقة تجنيد الزقازيق، عملت كشف طبي للمستحقين فى أماكنهم من غير ما يتكلفوا مشوار ولا مصاريف.
كمان اتعمل احتفال جميل بعنوان “قد الحلم وأكبر”، بالتنسيق مع جامعة العريش ومحافظة شمال سينا، وضم فقرات فنيه واحتفاليه كتير، وبعدها اتسلمت الشهادات الخاصه بتسوية المواقف التجنيديه للمواطنين.
اللواء أشرف الشريف، رئيس هيئة التنظيم والإداره للقوات المسلحه، قال كلمه أثناء الإحتفاليه، أكد فيها إن القوات المسلحه مش بس بتحمي حدود الوطن، لكن كمان بتقف جنب ولاد مصر وبتوفر لهم كل وسائل الدعم والراحه خصوصاً لذوي الهمم وكبار السن.
من ناحيته، اللواء دكتور خالد مجاور محافظ شمال سينا، شكر القوات المسلحه على المجهودات العظيمه اللى بيعملوها فى خدمة الناس وتمكينهم من المشاركه المجتمعيه.
أهالى شمال سينا عبروا عن شكرهم وامتنانهم، وأكدوا إن الخطوه دى ليها تأثير كبير فى حياتهم وبتأكد إن الجيش دايماً سند للمواطن.
وحضر الإحتفال عدد من قادة القوات المسلحه ورئيس جامعة العريش وشيوخ ومشايخ سينا.
