مصر بتدين بشده دعوات تفجير الأقصى وتحذر من التصعيد الخطير
أعربت جمهورية مصر العربيه عن استيائها الكبير ورفضها القاطع للدعوات التحريضيه المتطرفه اللى أطلقتها بعض المنظمات الاستيطانيه الاسرائيليه، واللى بتدعو بشكل فج لتفجير المسجد الأقصى وقبة الصخره، وده اللى اعتبرته مصر استفزاز صريح وبالغ لمشاعر المسلمين فى كل أنحاء العالم.
وأكدت مصر فى بيان رسمي إن التصرفات والدعوات دى مش بس غير مقبوله، لكنها كمان بتهدد حرمة المقدسات الدينيه وبتفتح الباب لتصعيد خطير ممكن يهدد استقرار المنطقه كلها.
وطالبت مصر بوقف فورى للانتهاكات اللى بتحصل جوه الحرم القدسي الشريف، وشددت على إن المساس بالمقدسات الإسلاميه أو المسيحيه فى القدس خط أحمر لا يمكن السكوت عليه.
وطالبت مصر المجتمع الدولى إنه يتحرك بسرعه وبحسم علشان يوقف التجاوزات دى، ويدين كل أشكال الاستفزاز والانتهاك اللى بتمارسها سلطات الاحتلال الاسرائيليه، وقالت إن الاستمرار فى التصرفات دى بيساهم فى تدهور الأوضاع الأمنيه والسياسيه فى الشرق الأوسط، وبيزود من حالة الاحتقان اللى بقت مسيطرة على المشهد.
البيان شدد إن مصر دايمًا واقفه مع حق الشعب الفلسطينى، ومش هتتخلى عن دورها فى الدفاع عن المقدسات والدعوه للسلام القائم على العداله، وإنها بتناشد كل الأطراف المعنيه تتحرك قبل ما الأمور توصل لمرحلة أصعب بكتير من اللى حاصل دلوقتي.
