مواجهة ناريه بين مانشستر سيتي واستون فيلا لحسم الصراع الاوروبي
يستعد مانشستر سيتي لملاقاة خصمه أستون فيلا يوم الثلاثاء على ملعب الاتحاد، ضمن منافسات الجولة الـ34 من بطولة الدوري الإنجليزي الممتاز، وده هيكون الساعه عشره مساءً بتوقيت السعوديه، في مواجهه منتظره من جمهور الفريقين.
السيتي دلوقتي في المركز الرابع ومعاه 58 نقطه، وراه على طول أستون فيلا في المركز السابع بـ57 نقطه، يعني الفرق نقطه بس، واللي هيفوز ممكن يقلب ترتيب الجدول فوق تحت، وده بيخلي المباراه في قمة الأهميه.
الفريق السماوي داخل الماتش بمعنويات عاليه، بعد ما حقق 4 فوز وتعادل وحيد في آخر خمس مباريات، والمدرب الإسباني بيب غوارديولا ناوي يكمل سلسلة الانتصارات، عشان يحسم بطاقة دوري الأبطال بدري قبل الزحمه في الجولات الأخيره.
بس فيلا مش فريق سهل، وبيقدم موسم قوي جدًا، ودايمًا بيشكل تهديد حقيقي على الكبار، خصوصًا في الهجمات المرتده والكرات الثابته.
غوارديولا هيكون قدام تحدي حقيقي، هل هيقدر يوقف خطورة لاعبي أستون فيلا؟ وهل هيلاقي الحلول الهجوميه السريعه اللي ممكن تفتح دفاع فيلا؟
الجمهور مستني مباراه ممتعه ومليانه أهداف، وسواء كنت بتشجع السيتي أو فيلا، أكيد مش هتفوت اللقاء، لأنه واحد من أهم مواجهات الأسبوع في البريميرليغ.
