كورتوا مبسوط بعد الفوز الصعب وبيشيد بتسديده فالفيردي المجنونه
خرج تيبو كورتوا حارس ريال مدريد، بتصريحات بعد الفوز الصعب اللي حققه الملكي قدام أتلتيك بلباو 1-0 في الدوري الإسباني، وقال إن الفريق لعب ماتش مش سهل، خصوصًا إن بلباو كان راجع من مشاركه في الدوري الأوروبي الخميس اللي فات، وكان مقفل اللعب كويس جدًا.
كورتوا قال إن الشوط الأول الفريق اتعب شويه في خلق فرص حقيقيه، لكن الشوط التاني كان مختلف تمامًا، وبدأوا يهاجموا بضغط اعلى، وسجل فالفيردي هدف عالمي كعادته بتسديده صعبه على أي حارس.
واضاف كان لازم نكسب علشان نحافظ على الصداره، خصوصًا بعد فوز برشلونة وكنا كويسين دفاعيًا وهجوميًا، ومسمحنالهمش غير بفرصه وحده في الماتش كله
وتكلم كمان عن هدف فالفيردي وقال إنه دايمًا بيتدرب على التسديدات القويه، وكان شافله تسديده في التمرين خرافية، ونصحه دايمًا إنه يسدد لأنه بيملك رجل صاروخ.
واختتم كورتوا كلامه بإنهم داخلين المواجهات الجايه بثقه، خصوصًا ماتش خيتافي اللي بيعتبر ديربي دايمًا بيبقى صعب، وبعدها نهائي كاس الملك، وهدفهم يكون تعويض الجماهير عن الخروج من أوروبا.
