هاني سلامه بيحضّر للعوده بالسينما بفيلم جديد بيصوروه في تركيا
الفنان هاني سلامه بيرجع للسينما بعد سنين غياب طويله، وبيستعد دلوقتي هو وفريق فيلمه الجديد الحارس يسافروا على تركيا في آخر الشهر عشان يصوروا مشاهد خارجيه هناك الفيلم ده بيرجع بيه هاني للشاشة الكبيره بعد ما غاب أكتر من 13 سنه، من وقت ما قدم فيلم واحد صحيح سنة 2011.
فيلم الحارس بيحكي عن دكتور جامعي شاطر في الذكاء الاصطناعي، بيقع في مشاكل كبيره بعد ما يخترق الدارك ويب، وبيكتشف حاجات خطيره ممكن تأذي شباب كتير، وده بيخليه يدخل مغامره فيها إثاره وتشويق.
العمل مش بس بوليسي، كمان بيحمل رساله اجتماعيه ونفسيه، وبيسلط الضوء على تأثير الإنترنت والسوشيال ميديا على حياتنا، وازاي ده مأثر على أخلاقيات المجتمع خصوصًا الشباب.
بيشارك هاني البطوله الفنان الشاب محمود عمرو ياسين، وبيخرج الفيلم ياسر سامي، أما السيناريو فكتبه عمر عبد الحليم وبدأوا تصوير الفيلم في لبنان، وهيكملوا التصوير في تركيا ومصر كمان العمل متوقع يحقق نجاح كويس خصوصًا مع عوده هاني سلامه اللي الناس مستنياها من زمان.
