محمد نور يوجّه تحذير ناري للاعبي الاتحاد قبل موقعة الاتفاق الصعبه
قبل ساعات من انطلاق المواجهه المنتظره بين الاتحاد والاتفاق، طلع أسطورة العميد محمد نور بتصريحات ناريه وجّه فيها تحذير قوي للاعبين، مطالبهم بالهدوء والتركيز التام طول التسعين دقيقه، علشان يتجنبوا أي نتيجه سلبيه ممكن تخلّي الفريق ينهار.
نور قال إن الاتفاق في الدور التاني من دوري روشن تغيّر تماماً وصار فريق ثاني، منظم ومتماسك بشكل واضح، ودا يرجع لمدربه سعد الشهري اللي قدر يصنع له بصمه واضحه داخل الملعب.
وأضاف محمد نور بكلام صريح: “لو صار أي تعثر للاتحاد اليوم، الوضع ممكن يخرج عن السيطره، الفريق حالياً في موقف صعب، لكن اللاعبين قدها وقدود، وهم اللي جابوا نفسهم لهالنقطه، فلازم يتحملوا المسؤوليه ويردوا في الملعب.”
الاتحاد يدخل المباراه وهو يمر بفتره صعبه من الموسم، خصوصاً مع تراجع النتائج وزيادة الإصابات، وأي نتيجه سلبيه قد تعني ضياع فرص المنافسه على المراكز المؤهله للبطولات القاريه.
نور ختم كلامه بنبره حاده قال فيها: “الهدوء مطلوب، والمباراة تسعين دقيقه، ولازم الكل يعرف إن الاتفاق مو نفس الفريق اللي شفتوه في بداية الدوري، واللي يبي يفرّط اليوم ما راح يلقى فرصه ثانيه.”
جمهور الاتحاد حالياً يترقّب ويأمل إن الفريق يستعيد هيبته قبل فوات الأوان.
