بنفيكا ناوي يرجع برناردو سيلفا ومانشستر سيتي مو معارض
أخبار من الصحافه الإنجليزيه أكدت إن نادي بنفيكا البرتغالي عنده نيه جاده يرجّع نجمه السابق برناردو سيلفا من مانشستر سيتي بالصيف الجاي، وفعلاً بدأ تحركاته عشان يفتح خط مفاوضات رسميه مع إدارة السيتي.
التقارير بتقول إن خورخي مينديز، وكيل برناردو، شغال على ترتيب الصفقة من تحت لتحت، ويحاول يوصل لإتفاق يرضي الطرفين، خصوصاً وإن اللاعب نفسه عنده رغبه يرجع لناديه الأم ويختم مسيرته هناك.
بس المشكله الكبيره اللي واقفه حالياً قدام بنفيكا هي الشرط الجزائي الموجود في عقد برناردو مع السيتي، واللي يوصل لـ50 مليون باوند، مبلغ كبير مره على نادي زي بنفيكا، ومش سهل يدفعه.
مع كذا، في مؤشرات تقول إن السيتي ممكن يكون مرن شوي خصوصاً بعد ما قرر يطلع برناردو من حساباته للموسم الجاي، وده ممكن يخليهم يتفاوضوا على سعر أقل لو اللاعب مصرّ على الرحيل.
القرار النهائي متوقع يوضح خلال الأسابيع الجايه، بس واضح إن برناردو صار قريب من الرحيل، وعودة الحنين لبيته الأول يمكن تكون هي المحطه الأخيره له.
الجماهير في البرتغال متحمسه، وفي مانشستر بعضهم حزين عالرحيل المحتمل، لكن بالنهايه الكوره دواره، والكل ينتظر القرار النهائي.
