مايو ٢٠٢٥ جايب معاه خبطه أفلام أجنبي في سينمات مصر
شهر مايو اللي جاي هيكون مولع في دور العرض السينمائي في مصر، وبيستعد عشاق الأفلام لموسم ناري من الانتاجات الأجنبيه اللي بتجمع بين الرعب والدراما والخيال العلمي، وكمان شوية اكشن وكوميديا على الخفيف.
أول فيلم مستنيينه يوم ١٥ مايو، هو جزء جديد من الوجهة النهائية بعنوان Bloodlines القصة عن بنت اسمها ستيفاني بيطاردها كوابيس عن الموت، وبتحاول تفهم سر اللعنه دي علشان تنقذ عيلتها.
وبعدها بـ ٨ أيام، يوم ٢٣ مايو، بنشوف النسخه الحيه من الفيلم الكرتوني الشهير ليلو وستيتش عن بنت بتتبنى كائن فضائي هارب، وبتبدأ بينهم مغامرات مضحكه ومؤثره.
وفي ٢٨ مايو، جاكي شان راجع مع رالف ماكيو في جزء جديد من كاراتي كيد بس المره دي فيه طالب جديد وصراع بين المدربين، في اجواء فيها حماس وقيم عائليه.
ونختم الشهر بيوم ٣٠ مايو بفيلمين الخطة الفينيقيه للمخرج ويس أندرسون، قصه أب بيحاول يرجع علاقته ببنته، وفيلم رعب من A24 عن أخين بيكتشفوا طقوس شيطانيه في بيت أمهم بالتبني.
يعني باختصار، مايو داخل تقيل وسينمات مصر هتولع
