محمد رمضان يشعل كوتشيلا من تاني شيشه وتاج دهب وسط جدل واسع
رجع تاني الفنان محمد رمضان يثير الجدل وبيخطف الأنظار بمشاركته للمره التانيه في مهرجان كوتشيلا الموسيقي بأمريكا، وده بعد ظهوره الجريء اللي خلى السوشيال ميديا كلها تتكلم عنه.
رمضان طلع على المسرح لابس طقم أبيض كامل ومعاه جاكيت وتيشيرت وبنطلون، وكمان كان لابس تاج دهب ونضاره سودا، وقعد على كرسي شيك وحوالينه راقصات ومعاه شيشه وده خلى ناس كتير تقول إنه بيستعرض زياده عن اللزوم.
المفاجأه كانت لما واحد من الجمهور رمى له جواز سفر مصري، فـ رمضان خده وباسه وحطه على صدره وبعدين على راسه، وسط تصفيق عالي من الناس اللي كانت حاضره، وناس قالت إنها حركه وطنيه ورد غير مباشر على الانتقادات اللي اتعرضلها بعد أول ظهور ليه في كوتشيلا.
وقبل العرض بساعات، نزل رمضان بوست على إنستغرام كتب فيه استعدوا لكوتشيلا الأسبوع التاني، العرض الليله وقال كمان كوتشيلا كان حلم، وبتوفيق ربنا ودعم جمهوري اتحقق
وظهر في فيديو من الكواليس بيقول هالوا إفري وان، تعالوا نشوف أجواء كوتشيلا واضح إن رمضان مستمتع جدًا بالتجربه.
