خطة أنشيلوتي الجديده تغيّر وضعية لاعبين قبل الكلاسيكو بكم يوم
الخطة الجديده اللي استخدمها كارلو أنشيلوتي مدرب ريال مدريد، واللي هي 4-4-2، جابت معاها تغييرات واضحه على وضع بعض اللاعبين، وخصوصًا مع اقتراب الكلاسيكو ضد برشلونة.
المدرب الإيطالي قال بعد مباراة أتلتيك بيلباو إن الخطة هذي مو معموله عشان الكلاسيكو بالتحديد، بس بنفس الوقت اعترف إنها تعطي الفريق توازن دفاعي أكثر، وهذا الشي خلى تغييرات تصير بخياراته الهجوميه.
أول المتضررين من هالخطة هو رودريغو، اللي كان أساسي فاغلب المباريات، بس الحين صار المرشح الاول للدكة، لأن المراكز الهجوميه صارت محصوره باثنين، وهما طبعًا فينيسيوس ومبابي، اللي حضورهم الهجومي مضمون.
وما ننسى إندريك، اللاعب البرازيلي الصاعد، اللي أصلاً كان يحصل فرص لعب قليله، والحين وضعه صار أصعب مع قلة المراكز وزيادة التنافس.
أما لوكاس فاسكيز، فدوره قل مره، لأن فالفيردي صار هو الخيار الأول عالطرف، خصوصًا إن أنشيلوتي يفضل وجوده عاليمين عشان يعطي تغطيه دفاعيه ويدعم نص الملعب.
واضح إن الخطة هذي غيرت كثير داخل الفريق، وبعض اللاعبين ما عاد لهم نفس الأهميه اللي كانوا عليها، ومع اقتراب الكلاسيكو، الكل يتساءل: هل فعلاً هالخطة بتكون الحل للفوز؟ ولا بتخلي الريال يخسر أوراق مهمه كانت تصنع الفرق؟
الأيام الجايه راح توضح كل شي، بس اللي واضح إن أنشيلوتي بدأ يلعبها بشكل مختلف هالموسم.
