الإصابات تلخبط حسابات الاتحاد والإداره تدور حل قبل مايطيح الفريق
الوضع داخل نادي الاتحاد مايطمن أبد، الإصابات كثرت والعيادة صارت مليانه، والإدارة صارت تدور حلول بسرعه قبل لا يفلت الموسم من يدهم.
حسب تقارير صحفيه، إدارة النادي بدأت تفكر تجيب طاقم طبي جديد، لأن الإصابات المتكرره مأثره على تشكيلة المدرب لوران بلان، خصوصاً في مباريات الدوري السعودي اللي باقي فيها منافسه شرسه.
أكثر من لاعب مهم طاح بسبب الإصابه، أولهم ستيفن بيرجوين، اللي إنصاب في كاحله ضد الرياض يوم 13 مارس، وغاب عن خمس مباريات، ومتوقع يرجع بس يخلص برنامجه التأهيلي نهاية أبريل.
وبرضه ماريو ميتاي للحين يكمل علاجه بعد ما إنصاب في العضله الضامه، وحارس الفريق رايكوفيتش بعد ينتظر نتيجة الفحوصات الطبيه بعد ما تعرض لتمزق في الوتر القريب من العضله الرباعيه.
وأكبر صدمه كانت بإصابة صالح الشهري، اللي طلع مصاب في العضله الخلفيه ضد الفتح، وهالإصابه أنهت موسمه بالكامل، وذا الشي مأثر كثير على الهجوم.
هالحين إدارة الاتحاد عندها شغل كبير، يبغون يضبطون الوضع الطبي قبل لا يزيد الطين بله، لأن الفريق فعلاً بدا مستواه ينزل، وكل ما قلّت الخيارات قدام المدرب، كل ما زادت المشاكل.
الجماهير تبغى تشوف فريقها يرجع يقاتل، بس دام الإصابات ما وقفت، بيصير من الصعب تحقيق الطموحات، وخصوصًا إذا استمر الغياب فالمباريات الجايه.
