ركلات الجزاء تشعل النار قبل نهائي الكأس بين برشلونة والريال
قبل كم يوم من نهائي كأس الملك المنتظر بين ريال مدريد وبرشلونة، رجع الجدل التحكيمي من جديد، خصوصًا بعد مباراة برشلونة وسيلتا فيغو، اللي فاز فيها البارسا 4-3، بعد ركلة جزاء أخيره احتسبها الحكم عن طريق الـVAR.
المقال اللي كتبه الصحفي خافيير مونوز في صحيفة الموندو الكتالونية، فتح النار على اللي قاعد يصير، وسلط الضوء على الفروقات الواضحه بين الريال والبارسا من ناحية ركلات الجزاء.
برشلونة هالموسم متفوق هجوميًا، سجل 88 هدف، بينما الريال عنده 65 فقط، وبرشلونة دخل منطقة جزاء الخصم أكثر من أي فريق ثاني، بس لما تشوف ركلات الجزاء؟ هنا الصدمه!
الريال عنده 12 ركلة جزاء خلال 32 مباراة، يعني ضعف عدد ركلات الجزاء اللي حصل عليها برشلونة (6 ركلات بس)، مع إن برشلونة يهاجم أكثر ويدخل منطقة الجزاء أكثر، فالسؤال الطبيعي: ليش؟
المثير إن قناة ريال مدريد ما ضيعت فرصه، وطلعت تقرير بعد مباراة سيلتا فيه لقطات مثيره للجدل وقالت في نهايته: “أرادوا إخراجنا من الدوري الإسباني”.
واضح إن الضغط بدأ من بدري قبل نهائي الكأس، وكل فريق يحاول يأثر على الحكام بطريقته، بس بالنهايه، الأرقام تتكلم، واللي مستفيد أكثر من التحكيم ما له حق يشتكي بهالطريقه، صح ولا لا؟
