النجوم يزينو شاشات العيد سهرات ضحك وفن وبرامج مليانه مفاجأت
بمناسبة أعياد الربيع وشم النسيم، الشركة المتحدة للخدمات الإعلامية جهزت خريطه برامج جامده عشان تحتفل مع جمهورها، واستضافت نجوم كبار في حلقات مميزه كلها ضحك وفن وبهجه على قنواتها المختلفه.
النهارده الإثنين، كريم فهمي ضيف برنامج كلمة أخيرة مع لميس الحديدي على قناة ON، وهيتكلم عن دوره في مسلسل وتقابل حبيب اللي كسر الدنيا، وهيحكي كواليس شغله مع ياسمين عبدالعزيز وعمرو محمود ياسين، وكمان هيفتح قلبه ويتكلم عن علاقته بمراته داينا، وذكرياته مع شقيقه أحمد فهمي.
اما على قناة CBC، النجمه صابرين هتكون ضيفه مها الصغير في برنامج السهرة الساعة 9، في حلقة خاصة جدًا بتحكي فيها عن رحلتها من الطفولة للنجومية وجوانب إنسانية وفنية كتير.
وكمان الفنانة ويزو هتكون ضيفه د عمرو الليثي في واحد من الناس الساعة 9 ونص على قناة الحياة، وهتحكي عن بدايتها واسمها الغريب، وبتحب الشوبينج ولا لأ، وعلاقتها بجوزها وبنتها، وكل ده وسط أجواء ضحك وهزار.
