حمدالله يدخل ديربي الهلال بطموح كسر النحس الأزرق القديم
قبل ساعات من مباراة الهلال ضد الشباب، تتجه الأنظار للمغربي عبدالرزاق حمدالله، اللي دايمًا يثير الجدل لما يقابل الهلال، سواء كان مع النصر أو الاتحاد، والحين مع الشباب.
حمدالله لعب ضد الهلال 21 مره من قبل، لكن سجل الفوز ماكان لصالحه كثير، فاز بس في 4 مباريات، وخسر 14 مره، والباقي 3 تعادلات، يعني الزعيم كان غالبًا الكعب العالي.
ورغم كذا، حمدالله كان له بصمه واضحه قدام الهلال، سجل 10 اهداف وصنع 5، ودايمًا يشكل صداع لدفاع الأزرق، بس برضو ماتخلى الموضوع من التوتر، حصل على 6 كروت صفراء وكرت احمر واحد.
هالموسم، حمدالله ينافس بقوه على لقب الهداف، وسجل 19 هدف، وراه كريستيانو رونالدو اللي متصدر القائمه بـ23 هدف يعني مباراة الليله فرصه لحمدالله علشان يقرب من الصداره ويأكد إنه باقي في الفورمه.
الليله، الشباب بيحاول يستغل وجود هداف مثل حمدالله، عشان ياخذ نتيجه إيجابيه قدام الهلال، ويعدل وضعيته فالدوري.
والمغربي عينه على الشباك الزرقاء كعادته، وبيحاول يثبت نفسه مره ثانيه، خصوصًا وإنه قدام فريق كان دايمًا صعب عليه.
هل يكسر حمدالله النحس؟ ولا بيستمر التفوق الهلالي؟ الجواب بنعرفه بعد صافرة النهايه.
