غيابات محتمله تضرب النصر والاتحاد قبل كلاسيكو مايو المرتقب
الجماهير السعوديه تترقب على نار مواجهه النصر والاتحاد المنتظره يوم 7 مايو الجاي ضمن الجوله الـ30 من دوري روشن، واللي راح تنلعب في ملعب الاول بارك بالرياض.
هالمباراة تعتبر مفصليه للاتحاد لو يبغى يحافظ على لقبه، لكن في خطر كبير يهدد تشكيله الفريقين قبل لا تنطلق صافره الكلاسيكو.
فيه 11 لاعب مهددين بالغياب عن هالمباراة الناريه لو حصلو على بطاقات صفرا في الجوله 29.
الاتحاد عنده خمس لاعبين تحت التهديد، وهم دانيلو بيريرا، وعبدالإله العمري، وحسن كادش، وعبدالرحمن العبود، وموسى ديابي كلهم عناصر اساسيه ممكن غيابهم يسبب صداع في راس المدرب.
من الناحيه الثانيه، النصر برضو مو في وضع مريح، عنده سته لاعبين مهددين بالإيقاف وهم علي لاجامي، سالم النجدي، علي الحسن، عبدالله الخيبري، أوتافيو، وجون دوران.
العيون راح تكون على مباريات الجوله 29، لأن أي كرت اصفر ممكن يغيّب نجم مهم عن الكلاسيكو، وهالشي راح يأثر كثير على الخطط الفنيه للمدربين.
المدربين يمكن يضطرون يجازفون أو يريحون بعض اللاعبين لو شافوا إن في خطوره على مشاركتهم قدام الخصم المباشر، خصوصاً إن كل نقطه صارت تفرق في صراع الصداره والمراكز المؤهله لدوري الأبطال.
الجمهور بإنتظار الكلاسيكو، بس السؤال هل راح نشوفه بكامل النجوم؟
