ساكا يخيّب آمال الفانتازي ويطلع بلانك قدام إيبسويتش تاون
خيّب بوكايو ساكا، نجم أرسنال، آمال كل اللي اختاروه في تشكيلهم بلعبة فانتازي بريميرليج، بعد ما خرج من مباراة فريقه قدام إيبسويتش تاون من غير أي مساهمه هجومية، وطلع بلانك على غير العاده، رغم إن الجانرز كسبوا 4-0.
ساكا اضطّر يسيب الملعب بدري بسبب إصابة تعرض ليها في الشوط الأول، واستبدله المدرب ميكيل أرتيتا في الدقيقة 57، وده خلّى مدربي الفانتازي يحسّوا بخيبة أمل خصوصًا إن كتير اعتمدوا عليه في الجوله دي.
اللي زاد من الزعل إن ساكا كان الوحيد من التشكيلة الأساسيه لأرسنال اللي ماعملش ولا نقطه زيادة، في الوقت اللي كل زملائه تقريبا لمّوا نقاط محترمه الحارس رايا والدفاع خرجوا بكلين شيت، وزينتشينكو صنع هدف، اما خط الوسط فكان ناري، ميرينو، أوديجارد ورايس كلهم صنعوا اهداف، والهجوم كان حاضر بقوه، تروسارد سجّل هدفين، ومارتينيلي حط هدف كمان.
ملاك ساكا دلوقتي حيرانين، هل يحتفظوا بيه للجوله الجايه ولا يفكروا يبيعوه؟ الأيام الجايه هتحدد لو كان البلانك ده مجرد كبوه ولا بداية تراجع.
