الغيابات تضرب السيتي قبل مواجهة أستون فيلا في الدوري الإنجليزي
بيستعد مانشستر سيتي لمباراة مهمه جدًا قدام أستون فيلا، اللي هتتلعب بكره التلات على ملعب الاتحاد، ضمن منافسات الجولة الـ34 من الدوري الإنجليزي الممتاز.
الماتش هيبدأ الساعة عشرة بليل بتوقيت السعودية، والجمهور مستني يشوف إزاي هيأثر غياب النجوم على أداء السيتي.
السيتي داخل المباراة وهو بيعاني من غيابات تقيله ومؤثرة، وأهمهم حارس المرمى إيدرسون اللي بيغيب للإصابه، بجانب المهاجم النرويجي الخطير إيرلينغ هالاند اللي مش هيلحق الماتش.
وكمان غياب رودري، اللي بيعتبر العقل المدبر في نص الملعب، بيزود من صعوبة المواجهة على جوارديولا وفرقته.
كمان المدافع ناثان آكي هيغيب، ومعاه جون ستونز، وده بيخلي الخط الخلفي للسيتي ناقص، وبيفتح الباب قدام أستون فيلا إنه يستغل الفرص ويهدد مرمى السيتي أكتر من مره.
الجماهير بتسأل دلوقتي: هل السيتي هيقدر يتخطى الغيابات دي ويكمل مشواره في المنافسه على الدوري؟ ولا فيلا هيعمل مفاجأة؟ جوارديولا أكيد هيحاول يلاقي حلول سريعه علشان يحافظ على فرصه في اللقب، خصوصًا إن المنافسه على الدوري ولعت بينه وبين أرسنال وليفربول.
كل الأنظار هتكون متجهة لملعب الاتحاد، والكل مستني يشوف النتيجه هتكون في صالح مين.
