في رد فعل غاضب ومثير للجدل، قناة ريال مدريد الرسميه طلعت بهجوم حاد على الحكام بعد فوز الفريق الصعب قدام أتلتيك بلباو، واللي خلص بهدف قاتل سجله فالفيردي في الوقت الضايع، لكن الفوكس كان كله على التحكيم اللي وصفوه بالفضيحه.
القناة اتكلمت عن لقطات مثيره، زي الهدف اللي سجله فينيسيوس واتلغى بداعي تسلل على إندريك، مع إنهم شايفين إن التسلل مش واضح وممكن مايكونش موجود أصلاً، وكمان تدخل خشن على بيلينغهام ما اتحسبش بلنتي، رغم إن الكل شاف اللمسه واضحه، على حسب تعبيرهم.
الانتقادات ما وقفتش عند كده، القناة كمان جابت لقطات من مباراه برشلونه وسيلتا، وسألت ليه رافينيا ما اطردش بعد احتكاك عنيف مع أسباس، وكمان ليه اتحسبت بلنتي لأولمو باستخدام الفار، رغم إن فيه لقطات أضعف ما اتحسبش زيها لريال مدريد.
المحللين في القناه شككوا في نظام التسلل شبه الآلي، وقالو: “فين الكوره؟ كيف نصدق صوره ناقصه؟”، واتهموا ميديابرو بالتحكم في النظام بشكل مش شفاف.
ورغم إن لجنة الحكام طلعت تسجل صوتي يشرح القرار، القناة وصفته بـ”الفضيحه” وقالت إن التحكيم في إسبانيا فقد ثقة العالم، بدليل إن مافيش حكم إسباني راح كأس العالم للأنديه.
وفي النهايه، ختمت القناه كلامها بإنهم حيواصلو فضح الظلم، وقالو: “بيحاولو يطلعونا من الليغا، بس احنا لسه صامدين”.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
