مباراة ليفربول ضد ليستر سيتي اللي كانت امبارح بالليل شهدت لقطه غريبه من المدافع الإنجليزي أرنولد بعد ما سجل هدف الفوز لفريقه بتسديده قويه مالهاش حل، وخلى الريدز يفضلوا ف الصداره ويكسبوا 3 نقط مهمين جدًا.
رغم إن الماتش كان صعب جدًا وفيه شد وعصبيه من الناحيتين، لكن أرنولد كالعاده كان في الموعد، وسجل هدف ولا أجمل، لكن اللي لفت الإنتباه مش الهدف بس، إنما احتفاله الغريب.
أرنولد بعد الجول راح نزع التشيرت بتاعه وعلّقه على علم الركنيه، وده خلّى الجماهير تستغرب جدًا، خصوصًا مع الأخبار اللي بتقول إنه ممكن يسيب ليفربول ويروح ريال مدريد.
ناس كتير من جمهور الريدز كانوا طالبوا الإداره قبل الماتش إنها تجمّد أرنولد ومتخلهوش يشارك، بسبب سكوته عن شائعة انتقاله، واللي بقت حديث الكل.
فـ ممكن احتفاله ده كان رساله منهم ليهم، أو يمكن رد على اللي شككوا فيه.
الناس بقت مش عارفه، هل ده وداع مبطّن؟ ولا هو مجرد فرحه بالهدف؟ فيه كتير بيقولوا إن طريقه الاحتفال مش طبيعيه وجايز تكون إشاره واضحه إنه خلاص رايح الريال.
وفي الوقت اللي محدش عارف فيه الحقيقه، أرنولد بقى حديث الساعه، وكل الناس في إنجلترا وإسبانيا منتظرين يعرفوا إيه اللي حيحصل بعدين.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
