أهم أخبار مصر النهارده وفاة بابا الفاتيكان وارتفاع سعر الذهب
الساعات اللي فاتت مجموعه من الأخبار والتقارير المهمه، كان ابرزها نعي الرئيس عبد الفتاح السيسي للبابا فرنسيس بابا الفاتيكان، واللي توفى وترك وراه إرث إنساني كبير وأعربت مصر عن حزنها الشديد، وكمان استنكرت دعوات استيطانيه إسرائيليه متطرفه لتفجير المسجد الأقصى.
كمان الفريق كامل الوزير، نائب رئيس مجلس الوزراء، قام بجوله تفقديه في مشروع القطار الكهربائي السريع من محطة محمد نجيب لحد أكتوبر، ضمن خطة الدوله لإنشاء وسائل نقل صديقة للبيئه.
ومن ناحية تانيه، وزارة التموين خفضت أسعار الدواجن والبيض بمنافذ البيع، الدواجن نزلت من 135 لـ125 جنيه، وطبق البيض من 150 لـ120 جنيه، لتخفيف العبء عن الناس خصوصًا في شم النسيم.
وأعلن الفاتيكان رسميًا وفاة البابا فرنسيس، وبدأت فتره حداد لمدة 9 أيام، وحيتم اختيار بابا جديد خلال اسبوعين لـ3 أسابيع.
كمان أسعار الدهب في مصر شهدت قفزه كبيره، جرام 21 بقى بـ4875 جنيه، بعد ما كان بـ4775، وعيار 24 وصل لـ5571 جنيه، بسبب ارتفاع الأوقيه عالميًا.
