شيخ الأزهر بينعى البابا فرنسيس ويشيد بدوره فى خدمه الإنسانيه
الدكتور أحمد الطيب، شيخ الأزهر الشريف، نعى البابا فرنسيس، بابا الكنيسه الكاثوليكيه، اللى وافته المنيه النهارده الاتنين بعد مشوار طويل كرسه لخدمة البشريه والدفاع عن الضعفاء وتعزيز الحوار بين الأديان والثقافات.
الشيخ الطيب قال إن البابا كان رمز إنساني عظيم ومن طراز نادر، عمل بكل إخلاص لخدمة رساله السلام والمحبه، وكان دايمًا مهتم بتقوية العلاقه بين الأزهر والفاتيكان وأشار إن العلاقه دى شهدت تطورات كبيره فى عهد البابا، زي حضوره مؤتمر الأزهر للسلام سنة 2017، وتوقيع وثيقة الأخوه الإنسانيه سنة 2019 اللى كانت خطوه تاريخيه رغم كل التحديات اللى واجهتها.
وأكد كمان إن البابا كان دايمًا منصف، وكان ليه مواقف محترمه بخصوص الإسلاموفوبيا وعدوان غزة، وكمان زار بلاد إسلاميه كتير وأظهر احترام كبير للثقافه والدين الإسلامي.
وفى آخر كلامه، قدّم شيخ الأزهر تعازيه لأتباع الكنيسه الكاثوليكيه فى العالم كله ولأسرة البابا فرنسيس، ودعا ربنا يصبّرهم على فراقه، مؤكدًا إن العالم فقد واحد من رموزه الإنسانيه اللى هتفضل محفوره في التاريخ.
