جوارديولا كل ماتش فاضل لينا نهائي والسيتي لازم يفوز فيهم
قال بيب جوارديولا مدرب مانشستر سيتي إن كل الماتشات الخمسة اللي باقيه لفريقه في الدوري الإنجليزي بقت شبه نهائي كاس، ولازم يكسبهم علشان يضمنوا مقعد في دوري أبطال أوروبا الموسم الجاي.
السيتي دلوقتي في المركز الرابع في جدول البريميرليج، وقبل ماتش أستون فيلا اللي هيكون على ملعبه يوم التلات في الجوله 34، بيب قال في المؤتمر الصحفي اه طبعاً ماتش فيلا نهائي، وبعده ماتش ولفرهامبتون برضو نهائي، وكل ماتش هيبقى كدا
وأضاف أستون فيلا فريق قوي وبيعرف يدافع كويس، وعنده سرعات عاليه وبيتميز في الكرات الثابتة، شوفتهم في ماتش باريس سان جيرمان وكنت منبهر بأداءهم، خصوصاً تحت قيادة صديقي لويس إنريكي
وبيكمل جوارديولا مكنتش منصف مع دوكو في الماتشات اللي فاتت، في ماتشات زي توتنهام وبرايتون، هو كان حاسم ولو مكنش موجود كنا خسرنا
وبيختم كلامه السبب إنه ملعبش مؤخراً إننا كنا بنلعب بخطة فيها ظهيرين على الأطراف، ودوكو بيكون أقوى لما بنلعب بأجنحة، مش زي ماتش الديربي ضد اليونايتد اللي مكنش فيه في أفضل حالاته
