حارس مرمى بيتحول للاعب وسط ويخطف الأنظار في دوري ألمانيا
في واقعه غريبه من نوعها حصلت يوم الحد 13 أبريل، في ماتش بادربورن ضد فورتونا دوسلدورف ضمن منافسات الدرجة التانيه الألمانيه بوندسليجا 2 خطف الحارس مانويل ريمان الأضواء بعد ما قرر يسيب مرماه ويتقدم يلعب كلاعب وسط في آخر ربع ساعه من الماتش
بادربورن كان خسران 2-0 وكمل الماتش بـ10 لاعيبه بعد طرد سانتياجو كاستانيدا في الدقيقه 62، لكن ريمان قرر يعوض النقص العددي بنفسه، وبدأ يبني الهجمات ويمرر الكور زي صانع لعب حقيقي!
اللي اتفرج على الماتش شاف ريمان بيرسل كرات عرضيه، وحتى في دقيقه 81 سدد تسديده صاروخيه من مسافة حوالي 32 يارده، لكن تصدى ليها حارس دوسلدورف بصعوبه.
الحارس اللي عنده 36 سنه قطع 7 8 كيلومتر خلال الماتش، وده يعتبر أكتر مسافه يركضها حارس مرمى في الدوري الألماني أو الدرجه التانيه من وقت ما بدأت الإحصائيات.
كمان كسر رقمه القديم اللي كان 7 3 كيلومتر، واللي حققه الموسم اللي فات قدام فرايبورج لما خسر فريقه بوخوم 2-1.
ريمان فعلاً أثبت إن الحارس مش بس واقف جوه الـ18
