فينيسيوس يخطف الأضواء من مبابي وسط توتر جمهور البرنابيو
في مباراه مشحونه ضد بلباو، قدر البرازيلي فينيسيوس جونيور ياخد الأنظار كلها بأداء ناري، خلى مدربه أنشيلوتي يصفقله من الحماس، والجمهور يرجع يحطه في قلبه من تاني.
في الوقت نفسه، النجم الفرنسي كيليان مبابي كان قاعد فالمقصوره، وسط صيحات استهجان ووشوش مستغربه من جمهور طول عمره كان بيحلمه بيه.
فينيسيوس، اللي بيلعب في مدريد بقاله خمس سنين، فاهم الملعب ده كويس، وعارف إزاي يكسب حب الجمهور، حتى لو علا صوته أوقات أو زعلهم، بس حماسه دايمًا بيرضّيهم.
أما مبابي، ظهوره على الشاشه العملاقه في المدرجات اتقابل بصمت وصافرات، كأن الجمهور لسه مش قابله بينهم.
المدريديستا مش بيرحمو، خصوصًا بعد صدمة آرسنال، فكانو بيحكمو على كل لاعب، وفينيسيوس قدم مباراة من طراز عالي، 6 فرص، 8 عرضيات، و5 مراوغات ناجحه، أرقام بتأكد إنه راجع بقوه.
مبابي عنده الموهبه، بس لسه ناقصه شرارة العاطفه اللي تشعل المدرجات.
جمهور مدريد مش بس عاوز لاعيب شاطر، عاوزه يفهم الروح، وده اللي فيني عرفه، ومبابي لسه بيتعلمه.
