وكيل مالكوم يحسم الجدل ويأكد بقاءه مع الهلال لنهاية عقده
في تصريجات واضحه وقاطعه، طلع جوليرمي ميراندا وكيل النجم البرازيلي مالكوم، ورد على كل الكلام اللي بيتقال بخصوص رحيل لاعبه عن نادي الهلال نهاية الموسم.
وقال إن مالكوم باقي مع الزعيم، وعقده شغال لحد صيف 2027، ومافيش أي نيه لفسخ أو انتقال.
وأضاف ميراندا إن إدارة الهلال لحد دلوقتي ما فتحتش أي موضوع بخصوص مستقبل مالكوم، وإن كل الشائعات اللي طالعه مجرد كلام في الهوا.
اللاعب مرتاح في الفريق ومركز على تقديم مستوى عالي، خصوصاً إنه واحد من أبرز نجوم الفريق هالفتره.
مالكوم كان له بصمه واضحه في مشوار الهلال المحلي والآسيوي، وقدم مباريات كبيره، وسجل أهداف مهمه ساعدت الفريق في سباق الدوري ودوري أبطال آسيا.
الجمهور الهلالي ارتاح للتصريحات دي، خصوصاً بعد ما زادت الأخبار اللي كانت بتربط مالكوم بأندية تانيه في أوروبا، لكن دلوقتي الصورة وضحت، والنجم البرازيلي مكمل بقميص الأزرق وبيحلم بالمزيد من البطولات.
