غيابات النصر قد تربك حساباته قدام ضمك في الجوله ٢٩ من الدوري
يستعد فريق النصر لمواجهه مهمه قدام ضمك في الجوله ٢٩ من دوري روشن، لكن الظروف مش جايه في صالح “العالمي”، خصوصًا بعد تأكد غياب كذا اسم بارز عن القائمه.
أبرزهم النجم البرتغالي كريستيانو رونالدو، اللي قرر الجهاز الفني يريحه فالمباراه دي، علشان مايتعرضش لأي اجهاد قبل المواجهات الجايه المهمه.
وكمان ساديو ماني بيغيب بسبب تراكم الكروت، وده يعتبر خساره كبيره في خط الهجوم، اللي بيعتمد عليه الفريق بشكل كبير فالمباريات الكبيره.
وسعد حقوي برضو خارج القائمه، بسبب عدم جاهزيته الكامله من الناحيه البدنيه، وده بيخلّي المدرب محتاج يعيد تفكيره في التشكيله المتوقعه قدام خصم عنيد زي ضمك، اللي بيحاول يهرب من المناطق الخطيره فترتيب الدوري.
غيابات زي دي ممكن تفتح الباب للاعبين جدد عشان يثبتو نفسهم، بس برضو بتخلي المباراه مش سهله، خصوصًا وإنها خارج ملعب النصر.
الجمهور مترقب وبيسأل: هل النصر يقدر يتجاوز الغيابات دي ويحقق الفوز؟ ولا ضمك هيستغل الفرصه ويخطف النتيجه؟
