في ظل الكلام الكتير اللي اتقال الفتره اللي فاتت عن قرب انتقال المدافع البرازيلي جابرييل دوس سانتوس من آرسنال لنادي النصر السعودي، طلع وكيل أعماله، جوليانو برتولوتشي، ونفى كل الشائعات دي بشكل قاطع.
الوكيل قال بصراحه إن مافيش أي عرض جاي من السعوديه ولا حتى مجرد مفاوضات غير رسميه، وأكد إن جابرييل مكمل مع آرسنال وعنده عقد ممتد لحد 2027، ومش بيفكر يسيب النادي في الوقت الحالي.
الكلام اللي انتشر عن انتقاله للنصر كان عامل ضجه كبيره على السوشيال ميديا، خصوصًا مع رغبة النصر في تدعيم الدفاع الموسم الجاي، لكن برتولوتشي حسم الجدل وقال إن اللاعب مركز مع فريقه الإنجليزي ومش بيدور على تغيير دلوقتي.
واضاف إن مافيش ولا نادي دخل في مفاوضات حقيقيه معاهم، وكل اللي اتقال مجرد اشاعات مالهاش أساس، والمستقبل دلوقتي للّاعب في لندن مش الرياض.
الجمهور النصراوي كان متأمل الصفقة، بس واضح إن الملف ده مقفول تمامًا في الوقت الحالي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
