بيولي يريح كريستيانو قدام ضمك والتركيز كله على آسيا
فاجئ المدرب الإيطالي ستيفانو بيولي جماهير النصر بقرار استبعاد النجم البرتغالي كريستيانو رونالدو من مباراة ضمك الجايه، اللي هتتلعب على ملعب مدينة الأمير سلطان بن عبدالعزيز ضمن الجولة ٢٩ من دوري روشن للمحترفين.
القرار ده مش بسبب إصابه ولا عقوبه، لكن بيولي قرر يريح الدون علشان يكون بكامل جاهزيته لمواجهة يوكاهاما الياباني يوم السبت الجاي في جدة، ضمن منافسات دوري أبطال آسيا للنخبة، اللي النصر بيحط عينه عليها بقوه.
رونالدو كان عنصراً فعال في المباريات اللي فاتت وساهم بأهداف وصناعه لعب كتير، لكن الجهاز الفني شايف إن الأهم دلوقتي هو ضمان جاهزيته لموقعة آسيا اللي ممكن تحدد مصير الموسم.
غياب رونالدو أكيد هيأثر على شكل الفريق قدام ضمك، بس بيولي ناوي يجرب شوية تغييرات في التشكيله ويدي فرص للاعبين تانيين علشان يثبتوا نفسهم.
الجماهير بتتمنى إن الراحة تكون في محلها، وإن كريستيانو يرجع قدام يوكاهاما بأقوى نسخه ليه.
