تشيلسي يغيّر رايه ويمدد الثقه فـ ماريسكا بعد فوز فولهام
رغم الضغط الكبير و الكلام اللي كان داير حوالين مستقبل المدرب الإيطالي إنزو ماريسكا، إلا إن إدارة تشيلسي قررت تغير رأيها وتخليه مستمر مع الفريق الفترة الجايه، بعد الفوز الصعب والمهم على فولهام بنتيجة 2-1 في الجولة 33 من الدوري الإنجليزي.
حسب موقع “فوتبول ترانسفير”، الفوز ده كان بمثابة طوق نجاة لماريسكا، خصوصًا بعد سلسلة نتائج مخيبه للآمال خلال نص الموسم، واللي خلت تشيلسي يبعد عن المنافسه على اللقب ويخسر كتير من نقاط كانت في المتناول.
جماهير البلوز كانت بدأت تفقد الثقه، والناس كانت متوقعه الإقاله ف أي لحظه، لكن الإدارة شافت إن فيه تطور في الأداء واستجابة من اللاعبين، وده خلاهم يعطوا ماريسكا فرصه تانيه علشان يكمل المشوار لنهاية الموسم.
تشيلسي دلوقتي بيحاول يلم أوراقه قبل ما الموسم يخلص، ويمكن لو الفريق أنهى الموسم بشكل إيجابي، ماريسكا يثبت نفسه ويبدأ موسم جديد بثقه أكبر.
