نوير بيرجع للتدريبات بالكامل وقد يكون جاهز قدام ماينز السبت
نادي بايرن ميونخ أخيرًا استلم دفعه معنويه كبيره بعد ما كشفت صحيفة “بيلد” الألمانيه عن تطورات إيجابيه في حالة الحارس المخضرم مانويل نوير، اللي كان بعيد عن الملاعب بسبب إصابة في الساق.
التقرير وضّح إن نوير شارك لأول مره في تدريبات الحراس بكامل طاقته، واشتغل بشكل مكثف من غير ما يحس بأي آلام أو مشاكل، وده مؤشر كويس جدًا بيأكد إنه قرب يرجع للملعب.
لو الأمور مشيت حسب الخطه الطبيه، ممكن نشوف نوير راجع رسمي للمشاركه في مباراة بايرن ضد ماينز يوم السبت الجاي في الدوري الألماني، وده هيكون خبر حلو جدًا للجماهير والطاقم الفني اللي بيعتمد على خبرته في الفتره الحرجه من الموسم.
نوير غاب فتره مش بسيطه، وبايرن عانى شويه من الناحيه الدفاعيه، وعودته هتدي أمان وثقه للفريق، خصوصًا مع إقتراب مباريات مهمه في الدوري وكمان في المنافسات الأوروبيه.
الجماهير متحمسه تشوفه واقف تاني بين الخشبات، وكل المؤشرات بتقول إن رجعته قريبه جدًا.
