غوارديولا ينبهر بغفارديول ويفكر يعتمد عليه قلب دفاع اساسي
أشاد بيب غوارديولا، مدرب مانشستر سيتي، بالأداء القوي اللي قدمه الكرواتي غفارديول لما لعب في مركز قلب الدفاع، وأكد إن اللاعب ممكن يكون عنصر أساسي في الخط الخلفي الموسم الجاي.
غوارديولا قال: “غفارديول عجبني جدًا في مركز قلب الدفاع، خصوصًا في بناء اللعب من ورا برجله الشمال.
سرعته في التسلل من الخلف بتخلينا نتحرك بشكل أسرع في التحولات، وده بيدي الفريق أفضلية كبيرة”.
وتكلم كمان عن الشراكة اللي بتتكون بينه وبين روبن دياز، وقال: “فيه تفاهم كبير بينهم، بيتكلموا كتير طول الماتش، وده بيخلي التواصل بينهم ممتاز، بصراحة بيشكلوا ثنائي مميز جدًا”.
المدرب الإسباني أكّد إن غفارديول هيكون له دور كبير في الخطط المستقبلية للفريق، وأضاف: “هو لاعب ذكي وعنده شخصية، وده بيخليني أشوفه خيار مهم جدًا لينا الموسم اللي جاي”.
التصريحات دي بتأكد إن غفارديول بدأ يكسب ثقة غوارديولا، ومع الأداء اللي بيقدمه، شكله هيبقى من الركائز الأساسية في دفاع السيتي بالمواسم الجايه.
