الاف بيودعو البابا فرانسيس ودموع في عيون محبيه بالفاتيكان
بعد اعلان وفاه البابا فرانسيس، الاف الناس اتجمعت قدام كنيسة القديس بطرس وفي الشوارع اللي حوالينها، الكل كان حزين ومصدوم، طوابير طويله من ناس جايه من بلاد كتير وقفو عشان يودعو البابا اللي كان محبوب من الكبير قبل الصغير.
الكنيسه بدأت تدق الاجراس الحزينة، والناس كانت بتتابع الاخبار من على موبايلاتهم وهما مش مصدقين، شباب وكبار سن واقفين جنب بعض في لحظة صعبه على الاعلام نكست على المباني الرسميه زي قصر شيجي ومجلس النواب والشيوخ، حداداً على البابا اللي فارق الدنيا عن 88 سنه بعد مرض طويل.
الصحف الإيطاليه ركزت على خبر الوفاه، وقالت إن اسمه الحقيقي خورخي ماريو بيرجوليو، مولود سنة 1936 في بوينس آيرس لعيله من أصول إيطاليه، بقى كاهن سنة 1969 وبعدين كاردينال في 2001، لحد ما بقى بابا الفاتيكان في 2013.
سمي نفسه فرنسيس على اسم القديس فرنسيس الأسيزي، وكان دايمًا بسيط وقريب من الناس، ورفض يعيش في شقة البابا واختار بيت القديسه مارتا رمزًا للتواضع.
