باريس سان جيرمان يحلم بالثأر والتتويج الأول من قلب ميونخ
باريس سان جيرمان راجع للنهائي الأوروبي من تاني، لكن المرة دي عنده أمل كبير إنه يحقق الحلم اللي فضل سنين بيدور عليه: التتويج بدوري أبطال أوروبا لأول مرة في تاريخه.
النهائي هيكون يوم 31 مايو 2025 على ملعب “ميونخ فوتبول أرينا” في ألمانيا، وده بيحمل ذكريات كتير للباريسيين، خصوصًا إنهم لعبوا نهائي 2020 قدام بايرن ميونخ في نفس البلد وخسروا وقتها بهدف كينغسلي كومان ولكن النهاردة الوضع مختلف، والمدرب لويس إنريكي داخل اللقاء بكل قوة قدام إنتر ميلان الإيطالي.
النهائيات اللي اتلعبت قبل كده في ميونخ كان دايمًا الحظ فيها مع الفرق اللي عمرها ما أخدت البطولة، زي نوتنغهام فورست، مارسيليا، دورتموند، وتشيلسي وده بيخلي جماهير باريس تتفائل وتقول “ليه لأ؟ يمكن يكون دورنا!”
مشوار باريس في 2020 كان ممتاز، ورغم إنهم خسروا النهائي، بس لعبوا ماتشات عالمية، خصوصًا ضد ريال مدريد ودورتموند وأتالانتا ودلوقتي الفرصة جاية من تاني، والفريق وراه مدينة كاملة بتحلم تفرح بالكأس.
هل يقدر باريس يمسح دموع 2020 ويتوج في 2025؟ كل حاجة هتبان الليلة.
