إنتر ميلان ينهار بدري قدام باريس ويسجل رقم سلبي تاريخي
النهائي بدأ نار، بس مش على مزاج إنتر ميلان! الفريق الإيطالي اتعرض لهزّة قوية بعد ما دخل فيه هدفين في أول 20 دقيقة من نهائي دوري أبطال أوروبا قدام باريس سان جيرمان، واللي واضح إنه داخل اللقاء ناوي يخلصها بدري!
باريس بدأ الماتش بقوة وعنف كروي، وسجل الهدف الأول في الدقيقة 12 عن طريق أشرف حكيمي، وبعدها بـ8 دقايق ديسير دو زوّد الغلة بهدف تاني، خلّى دفاع الإنتر تايه ومش عارف يتصرف.
أداء لاعيبة الإنتر من أول دقيقة كان باهت جدًا، مفيش روح، مفيش ضغط، ولا حتى ردة فعل تليق بنهائي أبطال أوروبا والجماهير كانت مستنية فريق الأفاعي يدخل بقوة، خصوصًا بعد مشواره القوي في البطولة وإقصاؤه لبرشلونة، لكن الواضح إنهم سابوا كل ده في ميلانو!
والأرقام بتأكد الكارثة، شبكة “أوبتا” المتخصصة في الإحصائيات كشفت إن إنتر بقى أول فريق في تاريخ نهائيات دوري الأبطال يتلقى هدفين في أول 20 دقيقة… وده رقم سلبي أكيد مش هيحبه جمهورهم.
هل يقدر الإنتر يرجع في الشوط التاني؟ ولا باريس هيكمل استعراضه ويتوّج بأول لقب في تاريخه؟ الإجابة عند صافرة الحكم!
