استطلاع رأي عن اصطحاب الكلاب داخل التجمعات السكنيه والناس قالت رأيها
سأل فيه الناس عن رأيهم بخصوص اصطحاب الكلاب جوه الأماكن السكنية، وهل هما شايفين إن لازم يكون في حملات أكتر علشان تمنع ده ولا لا، جت الإجابات واضحه ومفاجئة شوية.
النتايج اللي طلعت قالت إن 93% من اللي شاركوا شايفين إن وجود الكلاب في التجمعات السكنية بقى مزعج وخطر، وطلبوا تكثيف الحملات علشان توقف الموضوع ده تمامًا.
وده لأن في ناس بتخاف من الكلاب، وناس تانيه شايفه إن أصحاب الكلاب مش دايمًا بيبقوا مسؤولين، وبيمشوا بالكلب من غير سلسلة أو كمامة وده بيسبب مشاكل كتير.
من الناحية التانية، في حوالي 7% بس رفضوا فكرة منع اصطحاب الكلاب، وقالوا إن دي حرية شخصية طالما صاحب الكلب محافظ عليه ومش مسبب أذى لحد.
كمان قالوا إن الكلاب دي في الآخر حيوانات أليفة وبتحتاج تخرج وتتمشى.
الناس اللي ضد اصطحاب الكلاب شايفين إن الأطفال وكبار السن بيتعرضوا لخطر بسبب الكلاب اللي بتتساب في الأماكن المفتوحة، وكمان في حوادث حصلت قبل كده بسبب هجوم كلاب على أشخاص.
أما الناس اللي مع اصطحاب الكلاب، بيطلبوا تنظيم مش منع، زي وجود قوانين واضحة، ومناطق مخصصة للتمشية، بس مش المنع التام.
وفي النهايه، الموضوع بقى محتاج توازن بين حرية أصحاب الحيوانات وراحة وسلامة باقي السكان.
