جمهور باريس يقتحم الملعب بعد التتويج التاريخي بدوري الأبطال
باريس سان جيرمان عملها أخيرًا وحقق الحلم اللي استناه سنين طويلة، وتُوج بلقب دوري أبطال أوروبا لأول مرة في تاريخه، بعد فوز ساحق على إنتر ميلان بنتيجة 5-0 على ملعب بايرن ميونخ في مدينة ميونخ الألمانية.
الفرحة كانت هيستيرية، مش بس جوه الملعب بين اللعيبة والجهاز الفني، لكن كمان بين الجماهير اللي كانت جاية من كل حتة في العالم وبعد صافرة النهاية، حصل اللي محدش كان متوقعه..
جمهور باريس سان جيرمان اقتحم أرض الملعب وسط صرخات الفرح والدموع، علشان يحتفل مع فريقه بالإنجاز التاريخي اللي أخيرًا تحقق بعد محاولات كتير.
رجال الشرطة كانوا موجودين بأعداد كبيرة في محيط الملعب، وحاولوا ينظموا الوضع علشان الاحتفالات ماتخرجش عن السيطرة، وفعلاً تم تأمين اللاعبين والطاقم الفني في جو مليان مشاعر مختلطة بين الفرح والانبهار.
المشهد كان خرافي، جمهور بيجري ويحضن اللاعبين، ناس بتعيط من الفرحة، وأعلام باريس بترفرف في كل ركن في الملعب، كأنهم مش مصدقين إن الكأس بقت أخيرًا في خزينة النادي.
الليلة دي مش هتتنسي، وهتفضل محفورة في تاريخ باريس سان جيرمان وجمهوره للأبد.
