صحفي إسباني: ديمبيلي حسم الكرة الذهبية.. ومفيش نقاش كتير!
بعد تتويج باريس سان جيرمان التاريخي بلقب دوري أبطال أوروبا لأول مرة، بدأ الجدل كالعاده حوالين مين يستحق الكرة الذهبية السنة دي؟ لكن الصحفي الإسباني الشهير رامون ألفاريز قال كلمته، وقفلها بدري.
رامون كتب على حسابه الرسمي على منصة إكس (تويتر سابقًا) وقال بمنتهى الثقة:
“عثمان ديمبيلي حسم الكرة الذهبية خلاص، وديزيري دوي حسم الفتى الذهبي.. ومفيش داعي للنقاش أصلاً“.
الجماهير طبعًا انقسمت بعد التغريدة، في ناس شايفة إن ديمبيلي فعلًا كان نجم نهائي دوري الأبطال وصنع أكتر من هدف، وساهم بشكل مباشر في التتويج، وفي ناس لسه شايفة إن في نجوم تانيين في الصورة.
أما عن ديزيري دوي، فاللاعب قدم أداء ملفت طول البطولة، وسجل هدفين حاسمين في النهائي، وعنده كل المواصفات اللي تخليه يستحق جائزة الفتى الذهبي عن جدارة.
باريس السنة دي غير أي سنة.. مش بس كسر نحس دوري الأبطال، لكن كمان لاعيبته دخلوا بقوة في ترشيحات الجوائز الفردية الكبيرة.
