أنشيلوتي يحذر برشلونه قبل النهائي وبيقول هنعمل تغيير مهم
قبل نهائي كأس ملك إسبانيا، المدرب كارلو أنشيلوتي طلع بتصريحات ناريه وحذر فيها فريق برشلونه إن ريال مدريد ناوي يقاتل على البطولات وده مش هزار، وأكد إن الفوز بالكأس هيكون دافع كبير للفريق علشان يكمل في سباق الدوري الإسباني بقوه.
أنشيلوتي قال بصراحه: “البطولتين اللي لسه بننافس عليهم، مع كاس العالم، بيبدأو بالفوز على برشلونه وده الشيء الوحيد اللي مش عندنا فيه شك دلوقتي” التصريح واضح ومباشر، الراجل عينه على الفوز ومركز جدًا.
كمل المدرب الإيطالي كلامه وقال: “لازم نخرج من ماتش خيتافي اللي جاي وإحنا أقوياء، ونركز على نهائي الكأس إحنا واثقين من نفسنا إننا نقدر نعملها، وفي حاجه لازم تتغير وهيحصل التغيير ده.”
التصريحات دي جت في وقت حساس جدًا، خصوصًا إن ريال مدريد بيحاول يتمسك بفرصه في الدوري، وفي نفس الوقت بيجهز نفسه علشان نهائي قوي جدًا ضد غريمه برشلونه الفوز في النهائي ممكن يغير كل حاجه بالنسبه للفريق.
أنشيلوتي باين عليه مصمم ومتحمس، وعاوز يثبت إن الريال لسه في الملعب ومش هيستسلم وجماهير الريال أكيد مستنيه تشوف الأداء قدام برشلونه، لأن الماتش ده ممكن يبقى لحظه فارقه في الموسم كله.
