أنشيلوتي يتكلم عن التوتر والضغوط ويأكد إنه بخير وسعيد
في وسط ضغط كبير بيمر بيه ريال مدريد، المدرب الإيطالي كارلو أنشيلوتي طلع واتكلم عن الضغوط اللي عايشها في الموسم ده، وقال إنه بيتعامل مع التوتر بهدوء ومش بيأثر عليه بالسلب، بل بالعكس بيساعده على التفكير والتركيز أكتر.
أنشيلوتي قال في تصريحاته: “النادي فاهم إن الموسم ده كان أصعب من اللي فات، وإحنا بنواجه كل حاجه مع بعض بس أنا مبسوط، والتوتر بالنسبه لي مش حاجه سلبيه، ده وقود بيخليني أشتغل أحسن.”
وكمل وقال: “أنا التوتر مش بيزعجني، بالعكس، بيديني طاقه أكتر. لما بصحى الصبح، بحس إن كل حاجه تمام، وجاهز أشتغل تاني النجاح قريب، والطبيعي إن الضغط يزيد في الأوقات دي.”
التصريحات دي جت في وقت حساس جدًا، خصوصًا إن فيه كلام كتير عن مستقبل أنشيلوتي مع الريال، خصوصًا بعد الخروج من دوري أبطال أوروبا.
والناس بتتكلم إن مصيره ممكن يتحدد حسب نتيجه نهائي كأس الملك ضد برشلونه.
جمهور ريال مدريد منقسم، في اللي شايف إن أنشيلوتي قدم اللي عليه، وفي اللي حاسس إنه محتاج يمشي لو خسر البطوله الجايه.
لكن المدرب شكله هادي وواثق، ومستعد يكمل المشوار للنهايه، مهما كانت التحديات قدامه.
