أنشيلوتي يشيد بفران غارسيا بس يوضح صعوبته مع فينيسيوس
المدرب الإيطالي كارلو أنشيلوتي اتكلم بصراحه عن أداء الظهير الأيسر فران غارسيا مع ريال مدريد خلال الموسم الحالي، وأوضح إن اللاعب قدم مستويات كويسه، بس في نفس الوقت بيعاني في بعض المواقف خصوصًا لما بيلعب جنب فينيسيوس جونيور.
أنشيلوتي قال: “فران اتحسن كتير السنه دي، وشارك في مباريات أكتر، وكان كويس في أغلبها.”
لكنه رجع وضح إنه أوقات بيفضّل كامافينغا في مركز الظهير مش علشان فران وحش، لكن علشان الخصائص المختلفه اللي بيقدمها كل واحد فيهم.
وأضاف المدرب: “كامافينغا بيعرف يتمركز في العمق كويس، وده بيساعدنا لما فينيسيوس بيكون على الجناح في الحاله دي فران بيبقى عنده صعوبه أكبر إنه يبين مستواه الحقيقي.”
فران غارسيا شارك في 40 مباراه مع الريال في الموسم الجاري، لعب فيهم 2234 دقيقه، وقدر يصنع 4 أهداف.
أرقام كويسه نوعًا ما، بس واضح إن أنشيلوتي شايف إن في مباريات معينه بيحتاج لاعب بخصائص مختلفه في الجبهه الشمال.
التصريحات دي بتأكد إن المدرب شايف مجهود فران، بس كمان بيحاول يوضّح إن اختياراته بتكون على حسب الخطه والخصوم، ومش دايمًا معناها إن اللاعب وحش أو مستواه نزل.
