تشيلسي بيبدأ بدري مفاوضات مع نجمين شباب لتدعيم الهجوم الصيف الجاي
بدأ نادي تشيلسي الإنجليزي يتحرك بدري في سوق الانتقالات الصيفيه علشان يعزز خط الهجوم، وده من خلال فتح محادثات اوليه مع وكلاء اتنين من أبرز المواهب الصاعده في أوروبا.
وبحسب صحيفة ذا صن إدارة البلوز ناقشت خلال الأيام اللي فاتت مستقبل المهاجم البرازيلي رودريجو مونيز نجم فولهام، بعد المستوى القوي اللي قدمه مع فريقه في البريميرليج الموسم ده.
وكمان النادي فتح باب التفاوض مع ممثلي الفرنسي هوجو إيكيتيكي، مهاجم آينتراخت فرانكفورت الألماني، واللي بيحظى باهتمام كبير من أندية كتير بفضل سرعته وقوته البدنية ومهاراته قدام المرمى.
المدرب إنزو ماريسكا حاطط في دماغه يعمل مشروع هجومي طويل المدى، خاصة بعد المعاناة اللي عاشها الفريق من ضعف الفاعليه الهجومية وعدم الاستقرار في تسجيل الأهداف في المواسم اللي فاتت.
التقارير بتقول إن المحادثات لسه في مراحلها الأولى ومفيش اتفاق رسمي، بس اللي واضح إن تشيلسي ناوي يبني خط هجوم ناري يقدر ينافس بيه محليًا وأوروبيًا ويفرج جمهوره على كورة هجومية ممتعة ترجع هيبة الفريق.
