قناة الوثائقيه تعرض فيلم جديد عن المخرج العالمي فيليني النهارده
اعلنت الشركة المتحدة للخدمات الإعلامية إن النهارده الاتنين، هتعرض قناة الوثائقيه فيلم جديد اسمه رحله في عالم فيليني في تمام الساعه 11 بالليل الفيلم بيحكي عن حياة المخرج الإيطالي الكبير فيدريكو فيليني، اللي كان من اعظم رموز السينما في القرن العشرين، واللي الناس كانت بتسميه مايسترو السريالية
الفيلم مش بس بيستعرض أشهر أفلامه زي La Dolce Vita و8½، لكن كمان بيكشف حاجات كتير من حياته الشخصيه وأفكاره الغريبة اللي كانت بتأثر على شغله الفني وبيعتمد الفيلم على مواد أرشيفيه نادره جدًا، واتعرض لأول مره، وكمان في مراسلات شخصيه ومشاهد مصوره بتوضح شخصية فيليني من جوه.
وبيظهر في الفيلم ناس كانوا قريبين منه، زي صحابه ومعاونيه، واللي حكلوا عن مراحل حياته المختلفه، وفلسفته في السينما وإزاي كان دايمًا عايش بين الحقيقه والخيال.
الفيلم ده جزء من مجموعة أفلام وسلاسل وثائقيه بتنتجها قناة الوثائقيه زي حدث في 1973 وسيرة الفن واللي هدفها نشر الثقافة والمعرفه بشكل ممتع وقريب من الناس.
