تامر عاشور يحيي حفله الجديد فـ زد بارك ضمن ليالي مصر
اعلنت شركة تذكرتي عن حفله غنائي جديد للنجم تامر عاشور، واللي هيكون يوم الجمعه 25 أبريل في زد بارك بـ الشيخ زايد، وده ضمن فعاليات مشروع ليالي مصر الثقافي، اللي بيهدف لتنشيط الحركة الفنيه وتقديم حفلات عالميه في محافظات مصر المختلفه.
تذكرتي وفرت التذاكر على موقعها الرسمي وكمان ممكن الناس تستلم التذاكر من الفروع المعتمده، علشان تسهّل على الجمهور و تشجع الحضور، خصوصًا إن الإقبال المتوقع كبير.
تم طرح ست فئات سعرية لتناسب كل الناس
الفئه الأولى 5500 جنيه
التانيه 4500 جنيه
التالته 3500 جنيه
الرابعه 3000 جنيه
الخامسه 2500 جنيه
السادسه 1500 جنيه
عاشور هيغني خلال الحفل باقه من أشهر أغانيه الرومانسيه، وكمان أغاني من ألبومه الأخير ياه اللي فيه 12 أغنيه زي دراما الله يحنن حبك رزق، ومش بعرف أنام واللي حقق نجاح كبير من وقت ما نزل.
الحفل بييجي ضمن سلسلة ليالي مصر اللي بتهدف إنها ترجع الروح الفنيه والموسيقية للجمهور المصري من تاني.
